Сүрөт Reuters.
12-октябрда өткөн шайлоодо, 1982-жылдан бери бийликте турган 92 жаштагы Поль Бийя кайрадан президент болуп шайланды. Шайлоонун жыйынтыгы 53,66% добуш менен жеңишин тастыктаган Конституциялык сот тарабынан жарыяланды.
«Русская служба Би-би-си» маалыматтарына ылайык, шайлоонун расмий жыйынтыгы добуштарды текшерүү үчүн берилген 15 күндүк мөөнөттөн кийин жарыяланды. Шайлоо комиссиясы добуш берүү тынч өттү деп белгиледи.
Кызыктуусу, шайлоо кампаниясы учурунда Бийя болгону бир митинг өткөргөн, ал эми көпчүлүк убактысын жеке сапар менен Европа континентинде өткөргөн.
Шайлоодо ошондой эле эки союздашы менен кошо жыйырма башка талапкер катышты, алар шайлоого катышуу үчүн министрлик кызматтарынан баш тарткан.
Бирок оппозициянын лидери 71 жаштагы Морис Камто шайлоого катыша алган жок. Бул чечим Конституциялык сот тарабынан тастыкталды.
Камерундун көпчүлүк жарандары үчүн, алардын 60% дан ашыгы 25 жашка чейинкилер, Бийя - алар билген жалгыз президент.
