Россиянын Коргоо министрлигинин маалыматы боюнча, Краснодар крайында 32 БПЛА жок кылынган, Крымда 26, Брянск облусунун үстүндө 20, ал эми Волгоград, Ростов жана Орлов облустарында тогуз учкучсуз учак атып түшүрүлгөн.
Кошумчалай кетсек, Липецк облусунда алты БПЛА, Воронеж облусунда беш, жана Белгород, Курск жана Тула облустарында экиден учкучсуз учак жок кылынган.
Мындан тышкары, 39 БПЛА Кара деңиздин акваториясында, үчөө Азов деңизинде жок кылынган.
Туапсе портуна болгон учкучсуз учактардын чабуулунун натыйжасында эки чет өлкөлүк кемеге зыян келтирилген. Бул тууралуу Краснодар крайындагы оперативдик штабдан маалымат алынды.
«Экипаждын мүчөлөрүнүн арасында жабыркагандар жок. Бардык өрт очоктору ийгиликтүү өчүрүлдү», — деп белгиленди штабдын телеграм-каналында.
Учкучсуз учактардын чабуул коркунучуна байланыштуу Нижнекамск, Бугульма, Оренбург, Уфа, Казан, Ульяновск, Самара, Пенза, Краснодар, Сочи, ошондой эле Волгоград жана Геленджик аэропортторунун иши убактылуу токтотулду.
