1-октябрдан башталган шатдаун учурда 35-күнгө уланууда. Мурдагы рекорд 2019-жылдын башында, Дональд Трамптын биринчи президенттик мөөнөтүндө, өкмөт 34 күн жана 21 саат иштебегенде орнотулган.
Учурдагы шатдаундун себеби – Конгрессте өкмөттү каржылоо боюнча чечилбеген талаштар. Демократтар медициналык камсыздандыруу үчүн салык жеңилдиктерин узартууну жана социалдык медициналык программаларды кошумча каржылоону талап кылышууда, ал эми республикачылар бул демилгелерди колдоодон баш тартышууда.
Шатдаундун натыйжасында 650 миң федералдык кызматкер акысыз отпускка жөнөтүлдү, ал эми 600 миң өмүр үчүн маанилүү тармактарда иштеген кызматкерлер айлыксыз иштөөнү улантууда. Адатта, шатдаун аяктагандан кийин төлөмдөр артка карата жүргүзүлөт.
Шатдаундун кесепетинен АКШ экономикасы ар бир жумада дээрлик эки миллиард доллар жоготууда.
