Саакашвилинин 13-ноябрда Facebook баракчасында жарыяланган кайрылуусу украин тилинде жазылган. Анда ал «анын куугунтугу жана тагдыры согуш менен байланыштуу экендиги айдан ачык» деп билдирген.
Саакашвили Украина жараны экенин жана Зеленскийдин жетекчилиги астында реформалар боюнча улуттук кеңештин аткаруу комитетинин төрагасы болуп иштегенин баса белгилеген.
«2019-жылы мага мыйзамсыз алынган жарандыгымды кайтарып бергендей, менин мурдагы Одесса ОГАнын жетекчиси жана реформалар боюнча улуттук кеңештин аткаруу комитетинин төрагасы катары, Грузиянын пророссиялык режиминин мыйзамсыз кармалып жаткан жарандык туткуну катары, менин атымды ушул согуштун жарандык туткундар тизмесине киргизүүнү суранам. Мен украиналыктар өздөрүн таштап кетпей турганына ишенем», — деп Зеленскийге кайрылган.
Бул кайрылуу 12-ноябрда Саакашвилинин ооруканадан түрмөгө которулушунан кийин болду.
2021-жылдын октябрынан бери Михаил Саакашвили камакта, ал Грузияга кайтып келгенден кийин дароо кармалган. Түрмөдө анын ден соолугу кескин начарлап, 2022-жылдын майынан бери Тбилисиде жайгашкан «Вивамед» клиникасында дарыланууда.
Бардык сот чечимдерин эске алганда, «Эхо Кавказа» маалымдагандай, Саакашвили 12 жарым жыл камакта отурушу керек, 2034-жылдын 1-апрелине чейин.
Украин бийликтери Грузияны Саакашвилини Киевге дарыланууга кайтарууга бир нече жолу чакырган.
