Токаев өз катында визит ишеним жана ачыктык атмосферасында өткөнүн, бул казакстандык эл тарабынан жылуу кабыл алынганын белгиледи.
Казакстан президенти Декларациянын кол коюлушун өзгөчө белгилеп, бул эки тараптуу мамилелерди кеңири стратегиялык өнөктөштүк деңгээлине көтөргөнүн айтты. «Бул документ биздин көп тараптуу кызматташтыгыбызды олуттуу бекемдейт», — деп кошумчалады Токаев.
Эки күнгө созулган визит Токаев менен Путиндин ортосундагы формалдуу эмес жолугушуудан башталды, анда эки тараптуу мамилелердин маанилүү маселелери узун столдо талкууланды. Эртең менен эки мамлекеттин делегацияларынын катышуусунда расмий сүйлөшүүлөр болду.
