Владимир Путиндин Кыргызстанга болгон визити 25-27-ноябрда өтөт, бул тууралуу Россия президентинин жардамчысы Юрий Ушаков расмий билдиргенин ТАСС агенттиги маалымдады.
Ушаков визит Кыргызстан президенти Садыр Жапаровдун чакыруусу менен өтөөрүн жана эки күнгө созуларын белгиледи.
27-ноябрда Бишкекте Коллективдүү коопсуздук келишими уюмунун Коомдук кеңешинин сессиясы пландалган.
Визиттин программасы 25-ноябрдын кечинде башталат.
Кремлдин өкүлүнүн айтымында, Бишкекке келгенде Жапаров Путинди учактын трапынан тосуп алат, андан кийин президенттер Жеңиш аянтындагы Вечный отко венок коюшат.
Андан ары, бейформал обстановкада, президенттер «Ала-Арча» резиденциясында сүйлөшүү өткөрүшөт. «Бул тет-а-тет форматында сүйлөшүү болот», - деп баса белгиледи Ушаков.
Кийинки күнү, 26-ноябрда, «Ынтымак Ордо» сарайында расмий жолугушуу өтөт. Мында Россия-Кыргызстан сүйлөшүүлөрү болуп, саясий, соода-экономикалык, гуманитардык жана башка тармактардагы эки тараптуу мамилелердин негизги маселелери каралат. Лидерлер актуалдуу темалар боюнча пикир алмашышат, деди президенттин жардамчысы.
Сүйлөшүүлөрдө кеңейтилген курамда соода, экономика, энергетика, билим берүү, саламаттык сактоо жана миграция тармактарындагы кызматташтык маселелери талкууланат. Тараптар бул темалар боюнча докладдар даярдашат.
Россия делегациясынын курамына жогорку деңгээлдеги чиновниктер, анын ичинде өкмөт башчынын орун басары Алексей Оверчук, ички иштер министри Владимир Колокольцев, ошондой эле спорт, саламаттык сактоо, транспорт, экономикалык өнүктүрүү жана илим министрлери кирет. Ошондой эле делегацияда бизнес өкүлдөрү, мисалы, Роман Абрамович жана башкалар болот.
Сүйлөшүүлөрдүн жыйынтыгы менен президенттер союздаштык мамилелерин жана стратегиялык өнөктөштүктү тереңдетүүгө багытталган биргелешкен билдирүүгө кол коюшат. Документте эки тараптуу байланыштарды күчөтүү үчүн негизги милдеттер белгиленет. Ошондой эле билим берүү, экономика, саламаттык сактоо жана башка тармактарды камтыган көптөгөн өкмөттөр аралык жана коммерциялык келишимдерге кол коюу пландалууда. Документтерге кол коюлгандан кийин лидерлер билдирүүлөрдү жасашат, андан кийин мамлекеттик кабыл алуу өтөт.
