Ок атуу Фаррагут Уэст метросунун киришинде болду, Ак Үйгө аралык болгону бир нече квартал. Окуяга байланыштуу президенттин резиденциясы коопсуздук протоколдоруна ылайык жабылды.
Белгисиз адам ок аткан, натыйжада эки аскер кызматкери оор жаракат алды, алардын бири башынан жаракат алды.
Укук коргоо органдарынын өкүлү ок аткан адам «нейтрализован» болгонун билдирди.
АКШнын президенти Дональд Трамп кырдаалды комментарийлеп, «Эки улуттук гвардиячыга зыян келтирген жаныбар өзүнүн аракеттери үчүн жооп берет» деп белгиледи.
Түндүк Вирджиниянын губернатору Патрик Морриси социалдык тармактагы аккаунтунда эки аскер кызматкери алган жаракаттарынан каза болгону тууралуу маалыматты тастыктады.
Трамп өзүнүн улутка кайрылуусунда, АКШнын Ички коопсуздук министрлиги кол салуучу 2021-жылы Афганистандан келген деп эсептээрин кошумчалады.
«Бул биздин элге жана адамзатка каршы кылмыш», — деди ал. Президент ошондой эле, Джо Байдендин администрациясы бийликте турганда Афганистандан АКШга киргендерди текшерүү керектигин баса белгилеп, мурунку президентин кайрадан сынга алды.
«Биз мындай адамдардын өлкөбүздө мыйзамды жана тартипти бузушуна жол бербейбиз», — деп кошумчалады Трамп.
Ал ошондой эле Пентагондун башчысы Пит Хегсетке Вашингтондо Улуттук гвардиянын кызматкерлеринин санын 500 адамга көбөйтүүнү тапшырганын билдирди.
«Биз Американы кайрадан коопсуз кылабыз», — деп жыйынтыктады президент, атайын кызматкерлерге алардын кызматтары үчүн ыраазычылык билдирди.
CBS телеканалынын маалыматы боюнча, укук коргоо органдары кол салуучуну 29 жаштагы Афганистандын жараны Рахманулла Лаканвал деп идентификациялашты.
