Трамп баса белгиледи: "Мен Кытайдын Россия менен бизге жардам берүүсүн өтө каалайм. Биз аларга каршы олуттуу санкцияларды киргиздик... Бирок мен Кытайдын бизге жардам берүүсүн каалайм".
Ал Азиядагы сапарынын алкагында 30-октябрда Түштүк Кореяда өтүүчү АТЭС саммитинде Кытайдын төрагасы Си Цзиньпин менен жолугушууну пландаштырууда. Америка президенти Кытай лидери менен Украинадагы кырдаалды жана Россияга таасир этүүнүн мүмкүн болгон жолдорун, анын ичинде мунай жана энергетика маселелерин талкуулоону үмүттөнүүдө.
Кытай болсо "мыйзамсыздык жана басым" конфликтти чечүүгө алып келбестигин белгилеп, тынчтык жолу менен чечүүнү жана ок атууну токтотууну жактайт.
Эскерте кетсек, АКШ Трамптын Россиянын президенти Владимир Путин менен пландалган жолугушуусун токтотту, ал эми Россия тарап жолугушууну жылдыруу тууралуу билдирген. Мындан тышкары, Вашингтон "Роснефть", "ЛУКОЙЛ" жана алардын кызыкчылыгындагы компанияларга жаңы санкцияларды киргизди. Путин бул чаралар таасир этерин, бирок Россия экономикасына критикалык зыян келтирбестигин билдирди.
Москва сүйлөшүүлөргө кызыкдар экенин баса белгилеп, Киев тараптан андай каалоону көрбөй турганын айтты.
