Италия Республикасынын Депутаттар палатасынын төрагасы Лоренцо Фонтана Монголия президенти Ухнаа Хурэлсух менен мамлекеттик визит учурунда жолугушту. Бул тууралуу Монголия президентинин басма сөз кызматы билдирди.
Жолугушуунун жүрүшүндө тараптар өлкөлөр ортосундагы эки тараптуу мамилелерди бекемдөө үчүн парламент аралык кызматташтыктын маанилүүлүгүн белгилешти. Ошондой эле айыл чарба, жеңил өнөр жай, транспорт, маданият жана билим берүү сыяктуу тармактарда өз ара аракеттешүүнү кеңейтүү мүмкүнчүлүктөрү талкууланды.
Монголия президенти менен Италияга Улуу Мамлекеттик Хуралдын (парламенттин) мүчөлөрү келишти, алар италиялык депутаттар менен жолугушуп, парламенттин имараты менен таанышышты.
Монголия–Италия парламенттик тобун Монголияда депутат Ундраа Агваанлувсан жетектесе, италиялык тарапты Никола Каре өкүлчүлүк кылат. Италия–Монголия тобунда ар кандай саясий партияларды өкүлчүлүк кылган 20 мүчө бар.
