Прокурорлор Юн Сок Ельдин январь 2025-жылы президенттик резиденцияда бекемделип, кармоого тоскоол болууга аракет кылганын билдиришет. Мындан тышкары, ал жыйналышка чакырылбаган өкмөттүн тогуз мүчөсүнүн укуктарын бузгандыгы үчүн айыпталууда.
Бул айыптоолор 2024-жылдын декабрь айында аскердик абал киргизүү менен байланышкан төрт кылмыш ишинин бири боюнча акыркы жыйында айтылды.
Түрмөдө жаткан Юн Сок Ель ага коюлган бардык айыптарды толугу менен четке кагууда. Соттук өкүмдүн 16-январда чыгарылышы күтүлүүдө.
Эскерте кетсек, 2024-жылдын декабрь айынын башында Юн Сок Ель өлкөдө өзгөчө абал жарыялап, "түндүк кореялык анти мамлекеттик күчтөргө" каршы күрөшүү зарылдыгы менен түшүндүргөн жана оппозицияны мамлекеттин ишине тоскоол болгон аракеттерин токтотууга чакырган. Жообунда парламент президенттин импичменти үчүн добуш берген, ал эми январь айында ал кармалган.
2025-жылдын мартында Юн Сок Ель камактан бошотулган, бирок июль айында кайрадан кармалган, анткени прокуратура ал далилдерди жок кылышы мүмкүн деп кооптонгон. 2025-жылдын ноябрь айында прокуратура ага 2024-жылдын октябрь айында Түндүк Кореяга учкучсуз учактарды жөнөтүү операциясы менен байланышкан бийликти кыянаттык менен пайдалануу жана душманга жардам берүү боюнча жаңы айыптар койгон. Айыптоонун версиясы боюнча, Юн Сок Ель Түндүк Кореянын жооп кайтаруусун провокациялоо үчүн учкучсуз учактарды колдонуп, аскердик абал киргизүү үчүн шылтоо катары пайдалануу максатында жашыруун операция уюштурган.
