10-ноябрда француз бийликтери Дуровго өлкөдөн чыгып кетүүгө уруксат берген чечим кабыл алышты, бул үчүн полицияда туруктуу каттоодон өтүү зарыл эмес.
2024-жылдын августунда Дуров Францияда кармалды. Ага талап кылынган маалыматты берүүдөн баш тартуу, зыяндуу программаларды жана жашы жете элек адамдардын катышуусундагы порнографиялык сүрөттөрдү таратууга катышуу, ошондой эле кылмыштуу кирешелерди жуу боюнча айыптар коюлду.
Дуровго укук коргоо органдарынын уруксатысыз өлкөдөн чыгууга тыюу салынды. Бирок, ал БАЭ жарандыгынын аркасында Дубайга сапарларга уруксат алууга жетишти, ал эми АКШ жана Швецияга сапарларга болгон арыздар Париж прокуратурасы тарабынан четке кагылды.
Эскерте кетсек, француз атайын кызматтары Павел Дуровду 2024-жылдын августунда "Ле-Бурже" аэропортунда кармап, Telegram'да экстремисттик контенттин таралышын алдын алуу боюнча жетишсиз чаралар үчүн айыптар коюлган.
28-августта ал 5 миллион евро кепилдик менен камактан бошотулду, бирок Франциядан чыгып кетүүгө тыюу салынды жана жергиликтүү полицияда жумасына эки жолу катталып турууга милдеттендирилди.
