Шымкент шаардык полициясынын пресс-кызматы учурда бул окуя боюнча расмий билдирүүлөр түшпөгөнүн белгиледи.
«Учурда текшерүү жүргүзүлүүдө. Анын жыйынтыгы чыккандан кийин толук маалымат берилет», — деп кошумчалашты полиция өкүлдөрү.
Мындан тышкары, Кыргыз Республикасындагы тиешелүү органдар менен кызматташуу тууралуу маалымдашты.
Мурда Ош облусундагы кыздардын энеси омбудсмен институтуна кайрылып, кыздарынын тагдырына байланыштуу тынчсыздануусун билдирген. Анын айтымында, 2024-жылдын мартында К.К. аттуу жарандын кыздарын (16 жана 18 жаш) Шымкентке алып чыгып, жумуш жана камкордук көрсөтүүгө убада берген. Кийин кыздар энесине күч колдонуп, оор физикалык жумушка мажбурланып жатышканын билдиришкен.
Омбудсмен институтунда жумуш берүүчүлөрдүн аракеттери балдардын укуктарын бузганын белгилешти. Консулдук жана кыргыз диаспорасынын жардамы менен кыздарды Шымкентте табууга мүмкүн болду. Миграция мыйзамдарын бузуу боюнча соттук териштирүүнүн жыйынтыгында алар үйүнө кайтып келе алышты.
