Октябрь айынын башында тармакта бир окуучунун классташ кызын сабап жаткан видеосу пайда болду. Мунун натыйжасында Каракол шаардык билим берүү бөлүмүнүн комиссиясы кырдаалды текшерүү үчүн иш баштады, анын жыйынтыгында кагылышуунун жетиинчи класстын окуучулары арасында болгондугу аныкталды. Ошол эле учурда полиция сабоо фактысы боюнча териштирүү баштады.
«Караколдогу окуучулардын ортосундагы кагылышуу шаардык мэриянын балдар иштери боюнча комиссиясы тарабынан изилденди жана тиешелүү сунуштар берилди. Учурда эки окуучу бир класста билим алууну улантууда, жабыркаган кыздын энеси аны мектепке коштоп барат. Психологдор балдар менен иштөөнү улантууда», - деп айтылат расмий билдирүүдө.
