Гульноза Саид, CPJнин Европа жана Борбордук Азия боюнча программалардын координатору, мындай деди: «Kloop жана Temirov Live сыяктуу эл аралык деңгээлде таанылган иликтөө басылмаларын жана алардын негиздөөчүлөрүн экстремисттер деп таануу чечими коррупцияга каршы иликтөөлөрдү жогорку бийлик өкүлдөрүнө каршы басуу үчүн шокирлүү жана үмүтсүз аракет болуп саналат. Мындай прецедентсиз чечим Кыргызстан сөз эркиндиги үчүн коопсуз башпаанек статусунан канчалык алыс кеткенин көрсөтүп турат».
Соттун чечимине ылайык, аталган маалымат каражаттарына жана Temirov Liveнын «Айт Айт десе» долбооруна интернетте материалдарды жайгаштырууга жана таратууга тыюу салынган.
Ринат Тухватшин CPJге Кыргызстанда жаңылыктар агенттиктери «экстремисттик» деп жарыяланган биринчи учур экенин билдирди. Бийликтин бул мыйзамды кандайча колдонору белгисиз, бирок бул басылмалардын материалдарын таратуу жана жактоолор экстремисттик уюмдарды колдоо жана экстремисттик контентти жайылтуу катары баалануу коркунучу бар.
Эскерте кетсек, 27-октябрда Бишкектин Октябрь райондук соту прокуратуранын доо арызын канааттандырып, Temirov Live, Kloop Media жана «Айт Айт десе» интернет-изданиянын материалдарын экстремисттик деп тааныды.
