22-октябрда өткөн жумушчу топтун жыйынында Ысык-Көл ОВДсынын тергөөчүсү Э. Женишбеков кылмыш ишин козгоо боюнча баш тартуу чечимин кабыл алды, Асановдун аракеттери кылмыштын курамын камтыбайт деп билдирди. Ошентсе да, жумушчу топ Борбордук шайлоо комиссиясына аны КРдин укук бузуулар кодексинин 66-беренеси боюнча талапкер тууралуу жалган маалымат таратканы үчүн жоопкерчиликке тартууну сунуштады. Борбордук шайлоо комиссиясы сунуш менен макул болду.
Ошондой эле 2-округдан талапкер Ырысбек Атажановдун өкүлүнүн Эркин Ураскуловго каршы арызы боюнча окшош кырдаал болду. Анын арызында Ураскулов дагы Facebook’та Атажановдун аброюна шек келтирген материалдарды жарыялап, таратып жаткандыгы айтылат. Тергөөчү фактыларды изилдеп, кылмыш ишин козгоо боюнча баш тартты, кылмыштын курамы жок экенин көрсөткөн жана кайрадан КРдин КоП 66-беренесине кайрылууну сунуштады.
