Le Figaro маалыматтарына ылайык, Францияда белгилүү Луврдан баалуу буюмдарды уурдоого шектелген эки эркек кармалды. Окуя 25-октябрда болгон.
Маалыматтарга ылайык, кармалган адамдардын бири Руасси аэропортунда, Алжирге учуп кетүүгө даярданып жатканда кармалган. Экинчи шектүү Париждин сот полициясынын кызматкерлери тарабынан Сена-Сен-Дени районунда кармалды.
Эки эркек «уюшкан уурулук» жана «криминалдык келишим түзүү» боюнча айыпталууда. 19-октябрда Луврдагы Аполлон галереясынан сегиз тарыхый баалуу буюм уурдалып, алардын жалпы баасы болжол менен 88 миллион евро болгонун эске салабыз.
