2024-жылдын 5-июнундагы президенттин №137 Жарлыгы менен бекитилген иш-чаралар планынын алкагында прокуратура 9-декабрга — Коррупцияга каршы күрөшүүнүн эл аралык күнүнө арналган комплекстүү иш-чараларды уюштурду.
Региондун прокуратурасынын демилгеси менен президенттин ыйгарым укуктуу өкүлүнүн буйругу чыгарылып, 2025-жылдын 8-12-декабрында Коррупцияга каршы күрөшүү жумалыгы жарыяланды.
Бул жумалыктын алкагында 12-декабрда прокуратура тегерек стол өткөрдү, ага президенттин ыйгарым укуктуу өкүлчүлүгүнүн, укук коргоо жана мамлекеттик органдардын, бейөкмөт уюмдардын, бизнес ассоциацияларынын жана жарандык коомдун өкүлдөрү катышты.
Прокуратуранын маалыматы боюнча, учурда коррупцияга каршы күрөшүү боюнча иш жүргүзүлүп, өлкө жетекчилигинин тапшырмасы боюнча кырдаалды жакшыртууга багытталган.
Иш-чарада 2025-2030-жылдарга коррупцияга каршы мамлекеттик стратегиясы боюнча президенттин Жарлыгын жана 2025-жылдын 2-декабрындагы Министрлер кабинети тарабынан чыгарылган №768 токтомду «2030-жылга чейин «Иссык-Куль» экологиялык-экономикалык системасын туруктуу өнүктүрүү концепциясын бекитүү жана анын ишке ашырууга арналган иш-чаралар планы» боюнча ишке ашыруу маселелери, ошондой эле коррупцияга каршы күрөштөгү кийинки кадамдар талкууланды.
Прокурор Эмирбек Каримовдун айтымында, коррупцияга каршы күрөшүү боюнча 11 айдын ичинде 160 текшерүү жүргүзүлүп, 480 мыйзам бузуу аныкталган. Натыйжада 190 прокурордук жооп чарасы киргизилип, 198 кызмат адамы жоопкерчиликке тартылган. Жалпы көзөмөлдүн алкагында мамлекетке 2 млрд 34 млн 9 миң 763 сомдук зыян төлөтүлгөн, 23 кылмыш иши козголгон.
Прокурор мыйзамдардын сакталышын көзөмөлдөө улантыларын белгиледи.
