Документте төмөнкүлөр көрсөтүлгөн:
1. Бекитилет:
1) 2030-жылга чейин «Ысык-Көл» экологиялык-экономикалык системасын туруктуу өнүктүрүү Концепциясы (мындан ары – Концепция) 1-кошумчага ылайык;
2) Концепцияны ишке ашыруу боюнча чаралар Планы 2-кошумчага ылайык;
3) Концепциянын ишке ашырылышын көзөмөлдөө үчүн индикаторлор матрицасы 3-кошумчага ылайык.
2. Концепцияда жана чаралар Планында каралган иш-чараларды каржылоо республикалык жана жергиликтүү бюджеттердин, ошондой эле ички жана тышкы инвестициялардын жана башка мыйзамдуу булактардын эсебинен жүргүзүлөт.
3. Концепциянын жана чаралар Планындагы жоболорду ишке ашырууга жоопкерчилик:
Министрликтерге, административдик ведомстволорго, президенттин алдындагы Улуттук илимдер академиясына, Ысык-Көл облусундагы президенттин ыйгарым укуктуу өкүлүнө, жергиликтүү мамлекеттик администрацияларга жана Каракол, Чолпон-Ата, Балыкчы шаарларынын мэрияларына жүктөлөт:
1) Концепцияны жана чаралар Планын белгиленген мөөнөттө ишке ашырууну камсыз кылуу;
2) Иш-чаралар Планын аткаруу боюнча маалыматты жаратылыш ресурстары, экология жана техникалык көзөмөл министрлигине отчеттук жарым жылдыктан кийинки айдын 15-күнүнө чейин берүү.
4. Жаратылыш ресурстары, экология жана техникалык көзөмөл министрлиги отчеттук жарым жылдыктан кийинки айдын 25-күнүнө чейин чаралар Планын аткаруу боюнча маалыматты президенттин администрациясына билдириши керек.
5. Бул токтомдун аткарылышын көзөмөлдөө президенттин жана Министрлер Кабинетинин чечимдерин аткаруу башкармалыгына жүктөлөт.
6. Токтом расмий жарыяланган күндөн тартып жети күндөн кийин күчүнө кирет.
