Министрлер кабинетинин төрагасы жана президенттин администрациясынын жетекчиси Адылбек Касымалиев Борбордук Азия регионалдык экономикалык кызматташтыкка (БАРЭС) арналган бизнес-форумда Кыргызстандын потенциалын өнүктүрүү мүмкүнчүлүктөрүн талкуулады.
Ал өлкөнүн эң ири рыноктордун ортосунда жайгашкан стратегикалык географиялык абалы, ошондой эле эмгек ресурстарынын негизин түзгөн жаш калкы бизнес үчүн ыңгайлуу шарттарды түзөөрүн белгиледи. Касымалиев табигый ресурстардын байлыгы, уникалдуу маданий жана табигый мурас, либералдык экономикалык саясат жана бийликтин амбициялуу долбоорлорду ишке ашыруудагы чечкиндүүлүгү инвестициялар үчүн жаңы горизонтторду ачарын баса белгиледи.
Ошондой эле ал 2025-жылдын биринчи он айында негизги капиталга болгон инвестициялардын көлөмү өткөн жылдын ушул мезгилине салыштырмалуу 18,9% га өскөнүн маалымдады.
