Көргөзмөдө венгриялык этнограф Дьёрдь Алмашинин Борбордук Азиядагы саякаттарына арналган уникалдуу экспонаттарды, ошондой эле марий улутунун тигүү өнөрүн көрүүгө болот.
«Сулайман-Тоо» музейи-резерватынын директорунун орун басары Хайрулло Ибайдулаев бул иш-чара эки элдин маданий байланыштарын жана достугун бекемдөөгө багытталганын белгиледи.
«Көргөзмө Маданият, маалымат, спорт жана жаштар саясаты министрлигинин буйругу боюнча Венгриянын Кыргызстандагы элчилигинин колдоосу менен уюштурулду. Биз шаар тургундарына жаңы жана кызыктуу нерселерди сунуштоого аракет кылдык. Экспозицияда 100дөн ашык тарыхый сүрөттөр, ошондой эле венгриялык элдик тигүү өнөрүн чагылдырган этнографиялык буюмдар жана сүрөттөр көрсөтүлгөн», - деп кошумчалады ал.
Көргөзмө эки ай бою көрүүчүлөр үчүн жеткиликтүү болот, шаар тургундары жана Ош шаарынын коноктору аны көрүшү мүмкүн.
