Мурда бул буюмдар Жумгаль районундагы Кызыл-Жылдыз айылында жайгашкан Калык Акиева атындагы мектеп музейинде болгон, азыркы учурда музей жабык.
Музей 1996–1997-жылдары ошол учурдагы мектеп директору Кубанычбек Тултуковдун демилгеси менен негизделген. Музейдин негизги максаты окуучуларды тарбиялоо жана билим берүү болгон. Кызыл-Жылдыз айылынын тургундары экспонаттарды — ата-бабаларынын күнүмдүк турмушу жана маданий мурасы болгон буюмдарды чогултууга активдүү катышышкан. Бул ишке тарых мугалимдери: Сайрагүл Байдалиева, Бермет Айдиева жана Жазыл Насирова чоң салым кошушкан.
Кийинчерээк коллекцияны толуктоо жана популяризациялоо менен мектеп директору Токтошүкүр Муталиев жана тарых мугалими Жазгүл Кулманбетова алектенишкен. Соңку жылдары музейди Гүлайым Орозозалиева жана Рыскүл Чыманова колдоп келишкен.
Азыркы мектеп директору Кудайберген Чалов экспонаттарды райондук музейге өткөрүү убактысы келгенин белгиледи.
«Эми бул экспонаттар Жумгаль райондук историко-этнографиялык музейинде Айнура Бердикееванын жетекчилиги астында мамлекеттин коргоосунда болот. Мен алар тарыхый-мәдени мурастын маанилүү бөлүгү болуп, келечектеги муундар үчүн билим булагы болуп кызмат кыларына ишенем, кыргызстандыктар жана чет элдик туристтер үчүн кызыгууну жаратат», — деп белгиледи К. Чалов.
