Музей-заповедник
Музей-заповедниктин башталышы 1949-жылы Ош облустук краеведчилик музейинин негизделиши менен башталган. Музей 1951-жылдын 1-февралында келүүчүлөр үчүн ачылган. Экспозициялык аянты 65 кв. м, экспонаттардын саны — 268. Фонддорду түзүүдө 1951-жылдан бери Фергана облустук краеведчилик музейи жана Ленинграддагы археология институтунун бөлүмү менен биргеликте өткөрүлгөн илимий экспедициялар жана археологиялык казуулар чоң жардам көрсөткөн. 1964-жылы музейге Сулайман-Тоонун этегинде XVI кылымга таандык археологиялык эстелик болгон эски имарат өткөрүлүп берилген. Экспозициялык аянт 420 кв. мге чейин кеңейген. 1968-жылы негизги имаратка 272 кв. м аянты бар экспозициялык залдын корпусу курулган. 1974-жылы экинчи кабатта зал менен административдик корпус курулган. 1978-жылы краеведчилик музейи тарыхый-краеведчилик музейине айланган, ага уникалдуу үңкүр комплекси өткөрүлүп берилген, ал тоонун ичинде курулган. Комплекс 2 кабаттагы 13 залдан турат (площадь 752 кв. м). Музейде 5 бөлүм иштейт: табият, илимий фонддор, советке чейинки тарых, маданий-массалык. 1986-жылга карата негизги фонд 29252 сактоо бирдигин түзгөн. Музейде 36 илимий кызматкер бар. 1985-жылы музейди 154,3 миң адам зыярат кылган. Музейдин биринчи директору анын уюштуруучусу Б. Асранкулов болгон. Андан кийин музейдин жамаатын А. Абдрасулов, А. Аденов башкарган. Музей ишин өнүктүрүүгө илимий кызматкерлер А. Купил, А. Захарова, Е. Дружинина жана башкалар чоң салым кошкон.
Ош - 3000
