Өлкөнүн Ички иштер министри Марко Антонио Вильеда пресс-конференцияда учурда туткундардын арасында курмандыктар же жаракат алгандар тууралуу тастыкталган маалымат жок экенин билдирди.
Министрдин айтымында, башаламандыкты Barrio 18 банданын мүчөлөрү уюштурган. Алар өз лидерин шарттары жакшыраак жана артыкчылыктары бар мекемеге которууну талап кылышууда.
Вильеда: "Мен террордук топтор менен келишимдерге барбайм, шантажга баш ийбейм жана башаламандыкты токтотуу үчүн алардын артыкчылыктарын кабыл албайм", - деп баса белгиледи.
Reuters басылмасы Гватемаладагы түрмөлөрдөгү мындай башаламандыктар сейрек эмес экенин, бирок учурдагы окуядагы туткундардын саны мурдагы учурларга караганда кыйла жогору экенин белгилейт.
Ички иштер министрлиги күч кызматкерлери, анын ичинде аскерлер, түрмөлөрдүн периметрин толугу менен көзөмөлдөп, тартипти калыбына келтирүү жана имараттардын айланасында коопсуздукту камсыз кылуу үчүн иш алып барууда.
