Ведомствонун маалыматына ылайык, кармалгандар Борбордук Азиядан келген жана пенитенциардык мекемеде террордук акт даярдашкан. Аларга Россия Федерациясынын Кылмыш-жаза кодексинин 30-беренеси — «Кылмышка кол салуу» жана 205-беренеси — «Террордук акт» боюнча кылмыш иши козголгон.
Укук коргоо органдарынын маалыматы боюнча, жазасын өтөп жаткан соттолгондор колония кызматкерлеринин арасында барымта алуу жана имараттарды өрттөө планын иштеп чыгышкан. Бирок алар өз ниеттерин ишке ашыра албай калышып, кармалган.
Текшерүү учурунда алардын камераларынан ар кандай бычактар жана террордук уюмдун желегин эске салган сүрөттөрү бар кездемелер, ошондой эле террордук ишмердикке байланыштуу контентти камтыган мобилдик түзмөктөр табылып, алынган.
Тергөө бул үч Өзбекстандык соттолгон адамдардын кылмыштуу аракеттерге тиешеси бар экенин аныктады.
