3-мартта бир катар өлкөлөрдүн тургундары «кандуу ай» деп аталган толук айдын тотуусуна күбө болушат, бул кезде Жердин спутниги кызгылт-сары түскө ээ болот. Бул тууралуу Kazinform агенттиги APге шилтеме берип маалымдады.
Тотуунун эртең мененки сааттары Түндүк жана Борбордук Америка, ошондой эле Түштүк Американын батыш бөлүгүндөгү тургундар үчүн байкоого жеткиликтүү болот. Кечинде болсо бул көрүнүштү Австралия жана Чыгыш Азияда көрүүгө болот. Тотуунун бөлүкчө этаптары Борбордук Азия жана Түштүк Американын көпчүлүк бөлүгүндө көрүнөт. Европа жана Африка, тилекке каршы, толук тотууну көрө алышпайт.
Толук айдын тотуусу Жер Күн менен толук айдын ортосуна келгенде, спутникке көлөкө түшүргөн учурда болот. Айдын кызыл түсү биздин планетабыздын атмосферасында күндүн жарыгынын сынуусунан келип чыгат.
Астрономия боюнча адис Беннет Марука «кандуу айды» ачык асманда карап көрүүнү сунуштайт. Ал айдын акырындык менен тотуусун жана кызыл түстүн пайда болушун көрүү үчүн бир нече жолу сыртка чыгууну сунуштайт.
Кийинки бөлүкчө айдын тотуусу 2026-жылдын августуна пландалган жана Түндүк жана Түштүк Америкада, Европа, Африка жана Батыш Азияда байкоого жеткиликтүү болот.
Толук айдын тотуулары болжол менен 18 айда бир жолу болот. Адистер тотуудан бир жума мурун жана бир жума кийин стресс туудуруп, маанилүү иш-чараларды пландаштырбоону жана ири келишимдерди түзбөөнү сунушташат. Геополитикалык жактан, конфликттер жана аскерий аракеттердин курчушу мүмкүн.
Аделя Клычева
