Мекеменин маалыматы боюнча, кармалгандар пайдасыз контракт түзүүдө шектелүүдө. 2024-жылы Минводсельпром республикалык бюджеттин каражаттарын пайдаланып, Бакайыр айылындагы 60 гектар жерге тамчылатып сугаруу системасын жана бассейн орнотту. Бирок аймактын жетекчиси У. Б. А. жана жер адиси Б. С. А. бул жерди жакын туугандарына ижарага беришкен. Мындай аракеттердин натыйжасында мамлекетке 1 млн 579 миң 980 сомдук зыян келтирилген.
УКМКнын КР маалымат кызматынын сүрөтү.
Шектүүлөрдү кармоо операциясы 5-декабрда өткөрүлдү, алар Талас ОВДнын убактылуу кармоо жайына жайгаштырылды. Андан ары тергөө иштери улантылууда.
