Жыйында муниципалитеттердин жетекчилери, укук коргоо органдарынын өкүлдөрү, ошондой эле Балыкчы — Барскоон трассасы боюнча долбоордо иштеп жаткан Минтранс жана подряддык уюмдардын кызматкерлери катышты.
Ташиев 2021-жылы башталган жана азырынча аяктабай калган 141 чакырымдык жолдун оңдолушунун сапатына нааразычылыгын билдирди. Жооптуу адамдар жана подрядчылар катуу эскертүү алышты.
«2021-жылы сиздер $798 миң суммага контрактка кол койгонсуздар, бирок азыр курулуштун чыгымдары $1,3-1,4 миллионго чейин өстү. Жумуштар белгиленген мөөнөттө аткарылган жок! Уюштуруу маселелери начар абалда экендиги көрүнүп турат, мамлекеттик көзөмөл жетишсиз. Ошондуктан мен бул процессти жеке көзөмөлүмө алдым. Эгер жумуштар белгиленген мөөнөттө жана сапаттуу аякталбаса, тиешелүү адамдар жоопкерчиликке тартылат. Сиздер катуу жазаланасыздар», — деди атайын кызматтын башчысы.
Мындан тышкары, Ташиев Балыкчы — Боконбаево — Каракол трассасынын бөлүгүн оңдоону убагында аткарбагандыгы үчүн «Кыргыз жол курулуш» ОсООнун негиздөөчүсү Мирлан Исагалиевди кармоо боюнча буйрук берди.
Ошондой эле курулуш компанияларынын жетекчилерине Балыкчы — Барскоон — Каракол авто жолунун реконструкциясын 2026-жылдын 31-августуна чейин аяктоону тапшырды.
Эскерте кетсек, 2021-жылдын июль айында президент Садыр Жапаровдун тапшырмасы боюнча Балыкчы — Боконбаево — Каракол трассасынын реконструкциясы башталган. Долбоордун жалпы подрядчысы — Кыргызстандын жол курулуш компанияларынын ассоциациясы, ал эми 0-71 чакырым аралыгын «Кыргыз жол курулуш» ОсОО аткарган.
