Бишкекте мас абалында болгон айдоочу кармалды.
Патрул милициясы берген маалыматка ылайык, 102 номерине Hyundai Palisade унаасынын айдоочусу Ахунбаев жана 7-апрель көчөлөрүнүн кесилишинде алкоголь ичимдиктерин ичип жаткандыгы тууралуу сигнал келип түшкөн.
Кызматкерлер дароо окуя болгон жерге чыгып, келген маалыматты текшеришти. Текшерүүнүн жүрүшүндө айдоочу чындап эле мас абалында унаа айдап жаткандыгы аныкталды, бул видеокөзөмөл камераларынын жазуулары менен да тастыкталды.
Кармалууга аракет кылганда айдоочу милициянын мыйзамдуу талаптарын аткарбай, унаасынын ачкычтарын берүүдөн баш тартты. Натыйжада, анын унаасы эвакуацияланып, айып токтото турган жайга жеткирилди.
Бузуучу боюнча укук бузуулар жөнүндө протокол түзүлдү.
