Окуя 16-январда орун алган, ошол күнү жергиликтүү тургун милицияга кол салуу тууралуу арыз менен кайрылган. Ал Уметалиев көчөсүндөгү көп кабаттуу үйдүн батиринде болгонун, ошол учурда таанышына бычак менен коркутуп, эки даана iPhone 15 ProMax телефонун жана 20 миң сомун уурдап кеткенин айтып берген.
Бул факт боюнча Кыргыз Республикасынын Кылмыш-жаза кодексинин 206-беренеси ("Уурулук") боюнча кылмыш иши козголгон.
Укук коргоо органдары 1989-жылы туулган М.Ф. аттуу шектүүнү кармашкан. Ал убактылуу кармоо жайына жайгаштырылган.
Кармоо учурунда анын колунда уурдалган iPhone телефонунун бирөө гана табылган, экинчи телефону 18 миң сомго соода борборлорунун биринде сатылып кеткен. Сатып алуучу милицияга күбө катары сурак берүү үчүн жеткирилген. Тергөө иштери уланууда.
