Алдын ала маалыматтарга караганда, Hyundai Solaris унаасын башкарган айдоочу унааны көзөмөлдөн чыгарып, жолдон чыгып, даракка сүзүп кеткен. Кырсыктын натыйжасында бир аял каза болуп, эки аял жана бир өспүрүм кыз ар кандай жаракат алышты.
Кырсык болгон жерге Иссык-Ата районунун Өзгөчө кырдаалдар министрлигинин үч кызматкери жардам көрсөтүү үчүн жөнөп кетишти. Куткаруучулар каза болгон аялдын денесин алып чыгып, жабыркагандарды бошотуп, тез жардам кызматкерлерине өткөрүштү.
Учурда болгон жол кырсыгынын себептери аныкталууда.
