Чүй облусунда өрттөн улам болгон трагедиялык окуя менен байланыштуу кылмыш иши козголду.
Чүй облусунун Ички иштер башкармалыгы берген маалыматка ылайык, 2026-жылдын 20-январында саат 09:53тө Москва РОВДсына күмөндүү күйгөн Volkswagen Golf-3 универсал унаасы тууралуу маалымат келип түшкөн. Унаа Спартак айылындагы чыгыш четинде, көлдүн жанына табылган. Транспорт каражаттын ичинде эки адамдын калдыктары табылган: 2000-жылы туулган айдоочу О.Э. жана 2010-жылы туулган Т.С. аттуу орто мектептин окуучусу.
Адистер текшерүү жүргүзүп, О.Э. 2026-жылдын 11-январында унаанын ээси болгонун, ал эми 13-январда электрчүгө сол фарды оңдотуу үчүн кайрылганын аныкташкан. Устат унаанын абалы начар экенин белгилеп, ачык проводдор, бензиндин жыты жана унаанын ичинде түтүн бар экенин, бул унааны андан ары колдонуу өтө кооптуу экенин айткан.
Аныкталган жагдайларга карабастан, окуянын бардык жагдайларын аныктоо жана тереңирээк иликтөө үчүн Кыргыз Республикасынын Кылмыш-жаза кодексинин 122-беренеси боюнча кылмыш иши козголду, бул кылмыш процессуалдык мыйзамдарына ылайык зарыл болгон тергөө иш-чараларын өткөрүүгө мүмкүндүк берет.
Иликтөөнүн жыйынтыгы боюнча Кыргыз Республикасынын мыйзамдарына ылайык тиешелүү процессуалдык чечим кабыл алынат.
Чүй облусунун Ички иштер башкармалыгы жарандарды туура эмес маалыматтарды таратуудан сак болууга чакырат.
