Автомобилге электр жабдыктары боюнча арыздар түшкөн.
Чүй облусунун Москва районунда, Спартак айылына чыгыш жагында, күйүп кеткен Volkswagen Golf 3 унаасынан 16 жаштагы окуучу кыздын жана 26 жаштагы эркектин денелери табылды. Бул маалыматты облустук ички иштер башкармалыгы билдирди.
Күйүп кеткен унаа тууралуу билдирүү 20-январда саат 09:53тө Москва районунун ОВД дежурдук бөлүмүнө түшкөн. Автомобиль көлдүн жээгиндеги бош жерге токтоп турган.
Алдын ала маалыматтар боюнча, унаада эки адам болгон: айдоочу О. Э., 2000-жылы туулган, жана жүргүнчү Т. С., 2010-жылы туулган, 10-класстын окуучусу, экөө тең Спартак айылынан.
О. Э. бул унааны 11-январда сатып алгандыгы белгилүү. Эки күндөн кийин, 13-январда, ал электрчү С. С.га сол фаранын бузулушун жоюуга жардам сурап кайрылган.
Электрчү унаанын техникалык абалы критикалык экенин белгилеген: проводдор ачык, ал эми салондо бензиндин жыты жана түтүн сезилген. Ал унаанын ээсин бул унааны пайдалануу менен байланышкан коркунучтар тууралуу эскерткен.
Учурда экспертизалар жүргүзүлүүдө жана тергөө уланууда.
Сүрөт www
