Кыргыз Республикасынын Мамлекеттик салык кызматынын кызматкерлери тарабынан өткөрүлгөн рейддин жүрүшүндө Манас шаарында мыйзамсыз тамеки продукциясы табылды. Бул тууралуу ведомствонун басма сөз кызматынан маалымат алынды.
Манас борбордук базарында, жашыруун жайлардын биринде, 6 миң 12 пачка сигарет табылган. Аныкталган товардын алдын ала баасы 721 миң 440 сомду түздү.
Бул тамеки продукциясы керектүү коштоп жүрүүчү документтер жана акциз маркалары жок экендиги белгиленди.
«Окуя болгон жерде Кыргыз Республикасынын күчүндө болгон мыйзамдарга ылайык биринчи процессуалдык документтер түзүлдү. Учурда текшерүү материалдары укук коргоо органдарына өткөрүү үчүн даярдалып жатат, анда тиешелүү юридикалык баа берилет жана процессуалдык чечим кабыл алынат», - деп кошумчалашты билдирүүдө.
