Бул иш-чараларды Бишкек шаарындагы Ички иштер башкармалыгынын мыйзамсыз наркотик жүгүртүүгө каршы күрөшүү кызматынын кызматкерлери жүргүзүүдө. Операциянын алкагында түнкү клубдар жана жаштардын популярдуу эс алуу жайлары текшерилет.
Операцияга Бишкек Ички иштер башкармалыгынын СБНОН адистери, атайын даярдыктагы жоокерлер, райондук ички иштер башкармалыктарынын кызматкерлери, ошондой эле Кыргыз Республикасынын Ички иштер министрлигинин СБНОН кызматтык иттери катышууда.
Текшерүүлөрдүн жүрүшүндө "Телепорт" диско-бары жана "Вегас" түнкү клубу сыяктуу жайлар текшерилди.
Укук коргоо органдары "Синтетика жана притон" операциясынын алкагында иш-чаралар туруктуу жүргүзүлөрүн баса белгилешти. Негизги максат - мыйзамсыз наркотиктердин жана психотроптук заттардын жүгүртүүсүн аныктоо жана токтотуу, ошондой эле шаардагы коомдук коопсуздук жана укук тартибин сактоо.
