Маалыматтарга караганда, кылмыштуу топтун курамына Кыргызстан, Россия, Казакстан жана Тажикстан жарандары кирген. Операциянын жүрүшүндө жети адам кармалды, алардын бирөөсү эл аралык издөөдө.
Тергөөнүн маалыматы боюнча, кармалгандар Афганистанда өндүрүлгөн наркотиктерди чоң көлөмдө контрабанда жана сатуу менен алектенишкен, Кыргызстанды жүк ташуу үчүн транзиттик пункт катары колдонушкан.
Кармалгандардын үйлөрүндө жана транспорттук каражаттарында, ошондой эле жашыруун жайларда жүргүзүлгөн тинтүү учурунда 136 килограмм 855 грамм наркотикалык заттар табылып, алынган, алардын арасында 20 килограммдан ашык опий жана 116 килограммдан ашык гашиш бар.
Мындан тышкары, наркотик соодагерлерден доллар, сом, өзбек суму жана рубль түрүндө чоң суммадагы акча алынган. Мамлекеттик казынага алты унаа өткөрүлүп берилди.
Бул иш боюнча Кыргыз Республикасынын Кылмыш кодексинин 262-беренеси ("Кылмыштуу коом түзүү же ага катышуу"), 282-беренеси ("Наркотик каражаттарын, психотроптук заттарды жана алардын аналогдорун мыйзамсыз даярдоо, сатуу максатында") , 285-беренеси ("Кыргыз Республикасынын бажы чек арасынан өткөрүүгө атайын эрежелер белгиленген предметтерди контрабанда") жана 378-беренеси ("Кыргыз Республикасынын мамлекеттик чек арасын мыйзамсыз кесип өтүү") боюнча бир нече кылмыш иши козголгон.
