Алынган маалыматка ылайык, Усенбаев көчөсүндөгү жайлардын биринде спирт ичимдиктерин ичип жаткан курак жетпегендер, ошондой эле наркотиктердин таасиринде болгон башка коноктор табылган.
Бул боюнча кармалган өспүрүмдөрдүн ата-энелери окуя болгон жерге чакырылган. Андан кийин курак жетпегендер Свердлов райондук Ички иштер башкармалыгынын тергөө-оперативдик тобунун балдар боюнча инспекторуна өткөрүлдү.
Жайдын администрациясы да коопсуздук нормаларын сактабагандыгы жана жаштардын укук бузууларына шарт түзгөндүгү үчүн жоопкерчиликке тартылды. Свердлов райондук Ички иштер башкармалыгы бул окуя боюнча текшерүүнү улантууда.
Ички иштер министрлигинин басма сөз кызматы мындай жайлар жаштар үчүн кооптуу болушу жана тыюу салынган заттардын жайылышына өбөлгө түзүшү мүмкүн экендигине көңүл бурду.
