Ысык-Көл облусунда «Арсенал» аттуу оперативдик-профилактикалык иш-чаралардын алкагында ички иштер органдары тарабынан текшерүүлөр өткөрүлүүдө.
Милиция тарабынан берилген маалыматка ылайык, бул иш-чаралардын негизги максаты огнестрелдик куралдарга байланыштуу укук бузуулардын алдын алуу жана региондогу браконьерлик менен күрөшүү болуп саналат.
2026-жылдын январь айында 28 уруксат берилген объект жана 1547 аңчы текшерилди. Текшерүүлөрдүн натыйжасында 54 административдик протокол түзүлүп, жалпы салынган айыппулдардын суммасы 147 миң сомду түздү.
Өткөрүлгөн иш-чаралардын натыйжасында облус боюнча 8 кылмыш ачылып, 2 экологиялык укук бузуулар аныкталды.
Жарандардын коопсуздугун жогорулатуу үчүн профилдик кызматтар жана коомдук уюмдар менен биргеликте коркунучтуу жабайы жаныбарларды жок кылуу боюнча иш-чаралар өткөрүлдү: 18 шакал жана 23 үйсүз ит жок кылынды.
«Региондогу айылдарда жергиликтүү тургундар менен жолугушуулар уюштурулуп, жарандардын коопсуздугу, мыйзамдуулукту сактоо жана экологияны коргоо боюнча түшүндүрүү иштерин жүргүзүүдө», - деп белгилешти милицияда.
