Министрликтин маалыматына ылайык, Бишкекте 1971-жылы төрөлгөн Л.С.В. аттуу жаран кармалды. Ал Казакстандын укук коргоо органдары тарабынан издөөдө жүргөн. Ага кылмыштуу топту уюштуруу, алдамчылык жана ири өлчөмдөгү уурдоого айып коюлган.
ИИМдин сүрөтү
Кылмыштуу топтун аракеттеринен келген зыян 183,6 миллион казак теңгесин түзөт.
Мындан тышкары, Ысык-Көл облусунда жайгашкан Чолпон-Атада дагы бир жаран, 1980-жылы төрөлгөн К.Д.М. кармалды. Ал да ири өлчөмдөгү алдамчылык үчүн эл аралык издөөдө жүргөн.
ИИМдин маалыматы боюнча, бул эркек Кыргызстандын башка атка берилген паспортун колдонгон. Учурда компетенттүү органдар бул документти алуу мыйзамдуулугун текшерүүдө.
Ички иштер министрлиги тергөө иштери улантылып жатканын билдирди.
