Текшерүү жүргүзгөн Мамлекеттик салык кызматынын кызматкерлери Бишкекте контрафакттык алкоголду өндүрүүчү мыйзамсыз цехти тапты.
«Арча-Бешик» жашоо массивинде жайгашкан жайды текшерүү учурунда 122 даана фальсификацияланган алкогольдук продукция, шектүү келип чыккан 2 180 акциздик марка, спирттин мүнөздүү жыты бар 110 литр суюктук, кол менен жасалган куюу аппараттары, ошондой эле ар кандай алкогольдук ичимдиктердин этикеткалары жана айнек бөтөлкөлөр табылды.
Жыйналган материалдар негизинде тиешелүү актылар түзүлүп, иш укук коргоо органдарына өткөрүлдү. ```
