Баш калаадагы жеке клиникалардын биринде зарыл документтери жок медициналык буюмдар жана жабдуулар табылды. Бул мекеме салык каттоосуз жана лицензиясыз иштеп жаткандыгы аныкталды, бул мыйзамды бузуу болуп саналат.
Ошондой эле лицензиясыз фармацевтикалык ишмердүүлүк жүргүзгөн жеке ишкер Б.А.М.нын складынан Кыргызстандын медициналык буюмдар реестрине катталбаган препараттар табылды. Текшерүү учурунда оригиналдуу маркалоодо "медициналык буюмдар" деген жазуусу бар этикеткалардын үстүнө "косметикалык каражаттар" деген жазуусу бар ярлыктар жапсырылганы аныкталды.
Жүргүзүлгөн рейддердин жыйынтыгында ГНС жана Минздрав кызматкерлери актыларды түзүп, 5,2 миллион сомдук продукцияны алып коюшту.
