«Лицензияны убагында алуу айыппул санкцияларынан качууга жардам берет»
Кыргыз Республикасынын Саламаттык сактоо министрлиги медициналык буюмдарды, анын ичинде оптика жана угуу аппараттарын сатуу менен алектенген ишкерлерге алардын ишмердүүлүгүн милдеттүү лицензиялоого байланыштуу жаңы мыйзам талаптарын сактоонун зарылдыгын эске салды.
Бул талап 2023-жылдын 14-декабрында №678 номер менен министрлер кабинетинин токтому менен бекитилген, ал белгилүү бир ишмердүүлүк түрлөрүн лицензиялоого байланыштуу.
Лицензия талап кылынган медициналык буюмдардын катарында: көз айнектери, контакт линзалары, угуу аппараттары жана Кыргыз Республикасында катталган башка медициналык буюмдар бар.
Негизги учурлар:
- медициналык буюмдарды бөлүштүрүү тармагында мыйзамдуу иш алып баруу үчүн белгиленген үлгүдөгү лицензияны алуу зарыл;
- бул ишмердүүлүк үчүн лицензияларды Кыргыз Республикасынын Саламаттык сактоо министрлиги берет;
- лицензиясыз бизнес жүргүзүү мыйзамды бузуу болуп эсептелет жана административдик чараларды көрүүгө алып келиши мүмкүн.
Саламаттык сактоо министрлиги ишкерлерге сунуштайт:
- министрлер кабинетинин токтому жана лицензиялоого байланыштуу нормалар менен таанышуу;
- талап кылынган документтер жана арыз берүү процессин түшүнүү үчүн медициналык жана фармацевтикалык кызматтардын лицензиялоо бөлүмүнө алдын ала кайрылуу.
«Лицензияны убагында алуу ишканалардын мыйзамдуу жана туруктуу ишин камсыз кылат, айыппулдардын коюу коркунучун азайтат жана медициналык буюмдардын айлануусуна байланыштуу мыйзам талаптарын сактоого жардам берет», — деп белгилешет министрликтен.
Сүрөт www
