Бар болгон маалыматка ылайык, аталган адам жергиликтүү калк арасында террордук идеологияны пропагандалап, учурдагы бийликти кулатууга жана Халифат формасында теократиялык мамлекет түзүүгө чакырган. Мындан тышкары, ал Жакынкы Чыгышта согуштук аракеттерге катышуу үчүн жарандарды тарткан жана Кыргыз Республикасында террордук актыларды жасоону пландаштырган.
Контртеррористтик операциялардын жүрүшүндө шектүү Стамбулда кармалды жана 2026-жылдын 16-мартында УКМК кызматкерлери тарабынан мекенине экстрадицияланды, азыркы учурда тергөө уланууда.
