31-октябрда Ысык-Көл райондук ички иштер бөлүмүнө Ананьево айылына жакын жерде балыкты мыйзамсыз кармоо боюнча маалымат келип түштү. Ошондой эле мыйзам бузгандарда белгисиз үлгүдөгү эки ок атуучу куралдын бар экени катталган.
Милициянын маалыматтарына ылайык, текшерүү учурунда Ананьево айылынан 1990-жылы туулган А.И. аттуу жарандан 87 балык жана эки ок атуучу курал табылган.
Бул окуя Ысык-Көл райондук ички иштер бөлүмүнүн ЕРПсына катталган жана Кыргыз Республикасынын Кылмыш кодексинин 310-беренеси боюнча кылмыш иши козголгон.
Тергөө учурунда мыйзамсыз иш-аракеттерге катышкан башка адамдар да аныкталды: А.И. (1990 ж.т.), Ананьево айылында жашаган; А.З. (1991 ж.т.), Орто-Орукту айылында жашаган; жана Б.Ж. (1993 ж.т.), ошондой эле Орто-Орукту айылында жашаган.
Шектүүлөрдүн даректерин текшерүү учурунда А.И.дан 11 даана ок атуучу курал, ошондой эле ок-дарылар жана аларды өндүрүү үчүн жабдуулар табылган. А.З.дан резина бут кийимдер жана эки куткаруу жилети табылган.
А.И. жана А.З. шектүү катары суракка алынып, Кыргыз Республикасынын Кылмыш процессуалдык кодексинин 96-97-беренелерине ылайык убактылуу кармоо жайына жайгаштырылды.
Учурда Ысык-Көл региону боюнча Табигый ресурстар, экология жана техникалык көзөмөл министрлигинин аймактык башкармалыгы зарыл экспертизаларды жүргүзүүдө.
Тергөө уланууда. ```
