Чүй облусунда милиция кызматкерлери Кара-Балтадагы дача участогунда киши өлтүрүүгө шектелген эркекти кармашты. Бул тууралуу маалымат Чүй облусунун ички иштер башкармалыгынын басма сөз кызматынан алынды.
22-мартта Жайыл районунун ички иштер бөлүмүнө «Түштүк» дачасында белгисиз адамдын жерге көмүлгөн денеси табылганы тууралуу билдирүү келип түштү. Окуя болгон жерге дароо тергөө-оперативдик топ жөнөтүлдү.
Тергөө иш-чараларын жүргүзүү учурунда, болжол менен 15-20 см тереңдикте эркектин денеси табылды. Кийинчерээк Б.Н. деп аныкталган, 1993-жылы туулган.
Кыргыз Республикасынын Кылмыш-жаза кодексинин 122-беренеси «Киши өлтүрүү» боюнча кылмыш иши козголду. Тергөө процессинде 19-мартта шектүү, 1988-жылы туулган Д.Р. деген адам үч эркек менен таанышканы белгилүү болду. Алардын ортосунда биргеликте наркотикалык заттарды колдонгондон кийин конфликт пайда болуп, мушташка айланган.
Тергөө версиясына ылайык, конфликттин эки катышуучусу качып кетишкен, ал эми Д.Р. эркектердин бирин кармап алып, аны сабап жаткан. Андан кийин ал жабырлануучуну өзүнүн дачасына такси менен алып барып, зомбулук көрсөтүүнү уланткан. Эркек алган жаракаттарынан улам каза болгон. Ж кылмышты жашыруу максатында Д.Р. денени участокко көмүп, маркумдун буюмдарын ар кандай жерлерге таштап кеткен.
Ошондой эле кармалган адам 2014-жылдан бери психиатр дарыгердин көзөмөлүндө экендиги аныкталды.
Шектүү убактылуу кармоо жайына киргизилди, кылмыш ишинин тергөөсү уланууда.
