Бул иш-чаралардын натыйжасында аталган диний экстремисттик топтун 27 мүчөсү өз идеологиясынан жана радикалдык көз караштарынан ачык баш тартты. Бул адамдар мурда экстремисттик ишмердүүлүккө активдүү катышып, Кыргыз Республикасында тыюу салынган идеяларды пропагандалашкан, деп билдиришти УКМКдан.
«Бул жарандар диний багытта өз тандоосунун туура эместигин түшүнүштү, өздөрүнүн ишенимдеринин зыяндуулугун мойнуна алышты жана өкүнүч билдиришти. Алар ошондой эле Кыргыз Республикасындагы мыйзамдарды жана нормативдик актыларды сактоого даяр экендиктерин билдиришти, улемдер кеңешинин чечимдерине жана ДУМКнын талаптарына баш ийүүгө убада беришти. Мындан тышкары, алар коомчулукту РЭТ «Йакын-Инкар» мүчөлөрүнүн мыйзамсыз чакырыктарына алданбоого чакырышты, алардын өлкөдөгү ишмердүүлүгүнүн орунсуздугун баса белгилешти», - деп кошумчалашты УКМКдан.
Бүгүнкү күндө УКМК «Йакын-Инкар» тобунун кылмыштуу ишмердүүлүгүн токтотуу боюнча иштерин улантууда жана тыюу салынган диний уюмдардын катарына жаңы мүчөлөрдү тартуунун алдын алуу боюнча профилактикалык иш-чараларды өткөрүүдө.
Мамлекеттик комиссия ошондой эле жарандарды Кыргыз Республикасында тыюу салынган экстремисттик жана террордук уюмдардын ишмердүүлүгүнө катышкандыгы үчүн мүмкүн болгон кылмыш жоопкерчилиги жөнүндө эскертет.
