Азия кубогу (U-23) 2026-жылдын 6-январынан 24-январына чейин Сауд Аравиясында өтөт. Аккредитация журналисттерге, фотографтарга жана телеоператорлорго турнирдин негизги окуяларына, анын ичинде пресс-конференцияларга, интервью зонасына жана оюндарга кирүү мүмкүнчүлүгүн берет.
Аккредитация үчүн арыздарды AFC Media Channel расмий порталында белгиленген мөөнөттө берүүгө болот.
Эскерте кетсек, Кыргызстандын жаштар курамы (U-23) тарыхында биринчи жолу Азия кубогунда "A" тобунда катышат. Бул топто команда Сауд Аравиясы, Вьетнам жана Иорданиядан келген атаандаштар менен беттешет.
Турнирге континенттин 16 мыкты курамы катышат, алар Азия чемпиону наамы үчүн гана эмес, 2028-жылы Лос-Анжелесте өтө турган Олимпиада оюндарына катышуу мүмкүнчүлүгү үчүн да күрөшөт, анткени U-23 Азия кубогу квалификациянын маанилүү этабы болуп саналат.
Аккредитация мөөнөттөрү жана шарттары тууралуу кошумча маалыматты Кыргызстандын футбол союзунун расмий сайтынан - kfu.kg таба аласыз.
.
