Үй-бүлөлөргө керектүү консулдук-укуктук жардам көрсөтүлүүдө. Ошондой эле жергиликтүү укук коргоо органдары жана ритуалдык кызматтар менен иш жүргүзүлүүдө.
Маалыматтарга ылайык, үч кыргызстандык Индианада кырсыкка кабылган. Алардын экөө каза болуп, үчүнчүсүнүн абалы критикалык бойдон калууда. АКШдагы кыргызстандыктар коомчулугу каза болгондордун биринин денесин алып келүү жана экинчисинин жерге берүү чыгымдарын жабуу, ошондой эле үчүнчү мекендештин дарыланышы үчүн каражат топтоону баштады.
"Азыркы учурда АКШнын компетенттүү органдары менен биргеликте окуянын бардык жагдайларын тактап, каза болгондун денесин мекенине алып келүү үчүн керектүү процедураларды уюштуруп жатабыз", - деп билдиришти Тышкы иштер министрлигинин басма сөз кызматы.
Ведомство кырдаалдын өзгөчө көзөмөлдө экенин жана жабыркагандарга жана алардын үй-бүлөлөрүнө ар тараптуу жардам көрсөтө турганын баса белгиледи.
