Жергиликтүү тургундар бир нече жолу интернет-ресурстарда нааразычылыктарын билдиришкен.
Шаардык мэриянын басма сөз кызматынын маалыматы боюнча, учурда окуучулардын жол кыймылындагы коопсуздугун жогорулатууга басым жасалууда.
«Нарын шаардык коопсуздук бөлүмү мектептердин жанында балдардын коопсуздугун белгиленген график боюнча көзөмөлдөп, күнүнө эки жолу жолдон коопсуз өтүүнү камсыздайт. Ошондой эле, билим берүү мекемелеринде коопсуздук кнопкаларын орнотуу тапшырмасы берилди», - деп айтылат билдирүүдө.
Жол оңдоо иштеринин улануусу жана жол белгилеринин жетишсиздигине байланыштуу, ата-энелерге балдарына жолду атайын белгиленген жерлерден гана өтүүнүн маанилүүлүгүн түшүндүрүү сунушталды жана көңүл бурууну өтүнүштү.
Ошондой эле шаардагы негизги көчөдө жаңы жол белгилерин орнотуу жана түнкү жарыктандырууну уюштуруу боюнча иштер жүргүзүлүүдө», - деп кошумчалашты мэриядан.
