Анын айтымында, бардык окуу сабактары, анын ичинде кружоктор жана кошумча иш-чаралар өзгөрүүсүз өтүүдө: «Эч ким эч нерсени кыскартпайт».
Анткен менен, социалдык тармактарда энергокризиске байланыштуу Бишкектеги мектептерде 18:00дөн кийин электр энергиясын колдонууга тыюу салынганы тууралуу маалыматтар пайда болду. 38-мектептин ата-энелери экинчи сменадагы сабактар адатта 19:00дө аяктай турганын жана аларды кыскартуу пландалганын, бул кружокторго жана секцияларга да таасир этерин билдиришти. Бул тууралуу алар өткөн күндөгү ата-энелер жыйынында маалым болушкан.
Социалдык тармактардагы постторго комментарийлерде мамлекеттик мекемелерде коридорлордо жарыкты күйгүзүүгө тыюу салынганы жана жумуштардын так 18:00дө аякташы керектиги тууралуу да айтылууда.
Мурда президент Садыр Жапаров Токтогул суу сактагычындагы суу деңгээли өткөн жылдын ушул мезгилине салыштырмалуу 2 миллиард кубометрге төмөн экенин билдирди. Энергетикалык системанын туруктуулугун камсыз кылуу үчүн өлкөгө электр энергиясын чет өлкөдөн сатып алууга туура келет. Ал жарандарды электр энергиясын үнөмдөөгө чакырып, «ар бир лампочка — бул Токтогул суу сактагычындагы жүздөгөн литр суу жана бюджет үчүн кошумча чыгымдар» деп белгиледи.
