УОСтун орун басары Евгений Артемов, текшерүү Санкт-Петербург жана Ленинград облусундагы Россиянын Ички иштер министрлигинин Башкы башкармалыгы тарабынан жүргүзүлүп жатканын, кайрылууда баяндалган жагдайларга таянып билдирди.
Эске салсак, мурда Кыргызстан Ички иштер министрлиги Бивол кыргызстандыктарга карата ксенофобдук билдирүүлөрдү колдонгон видеонун жарыкка чыгышынан кийин алдын ала тергөө башталганын маалымдаган. Ведомстводо улуттар арасында урматтоонун сакталышы жана моралдык жоопкерчилик маанилүү экенин белгилешкен.
Андан кийин Бишкек шаардык ички иштер башкармалыгы Екатерина Биволго Кыргыз Республикасынын Кылмыш кодексинин 330-беренеси боюнча, улуттар аралык душмандыкты козутуу боюнча кылмыш ишин козгоду. 25-октябрда ага сырттан айып коюлуп, №21 ГСИН мекемесинде камакка алуу чарасы тандалды. Ал издөөдө.
Текшерүү башталгандан кийин Екатерина Бивол орус ЖМКларына комментарий берип, Кыргызстан мыйзамдарынын ага тиешеси жок экенин жана эч кимдин ага байланышпаганын билдирген. Ал Россияда жашап, тек гана орус мыйзамдарына баш ийерин баса белгилеген.
Мындан тышкары, Казахстан Ички иштер министрлиги Екатерина Биволго каршы иш козгоп, аны издөөдө экенин маалымдады. Казахстан Биволду экстрадициялоо боюнча арыз берүүнү пландаштырууда.
